المكان فى احدى شوارع المعادى الهادئة
حيث السكون فى كل مكان والهدوء
والأشجار المتمايلة ومحيطة المنازل بظلها
هنا بنت جميلة اسمها (ندى ) لسة منقولة هيا واهلها الشارع جديد
وهيا كقطرة ندى على ورقة ورد بلدى مليانة بالريحة الحلوة بنت رقيقة رومانسية
كل يوم تستقبل شروق الشمس بسعادة - بتحب ان الشمس تلمس خدها
وهوا الصبح يلعب بين شعرها والعصافير بتغنى جنبها
بنت رقيقة جدا جدا بس دايما وحيدة منعزلة ملهاش اختلاط بحد
ولا عمرها بتخرج مع حد - مش دة عشان الناس مثلا بتكرهها
لأ ابدا دى بنت طيبة وكل اللى يعرفها بيحبها
بس الله اعلم اية الظروف
* هوا كل يوم يصحى بدرى عشان يراقبها من بين الشيش
معجب بيها جدا بس عمرة ما فكر يصارحها بأعجابة لأنة
خاف لتصدة ويفوق من حلمة على كابوس فظيع بالنسبة لية
بتقولوا اسمة اية ؟ اسمة احمد وطبيب
شاطر جدا فى شغلة بالرغم من صغر سنة
والناس بتثق جدا فية وكمان طيب جدا لأنة فاتح عيادة للناس الغلابة بأجر اقل من الرمزى
جنب العيادة اللى جنب بيتة عشان عارف ان فية ناس كتير ميقدروش يدفعوا حتى الكشف ففكر وعمل
يوم كشف مجانى للفقرا
ندى لسة واقفة وفرحانة جدا بنسمة الصباح وصوت العصافير
هوا قرر يطلع ويحاول يقولها حتى صباح الخير
بص لها وابتسم بخجل وهز راسة ليها كانة بيقول صباح الخير
بس هيا مردتش انكسف جدا وانسحب بهدوء ودخل
وقال اية اللى انا بعملة دة انا كدة زى المراهقين
لما ادخل البس احسن عشان الشغل
وراح شغلة وهوا بيفكر فى اللى حصل
رجع من المستشفى وعدى على واحد صاحبة قال ياخد راية يعمل اية وكمان جارهم وعارف ندى كويس
دق جرس الباب عند زميلة فتح لة بترحاب شديد
بس لاحظ ان احمد شارد سألة زميلة مصطفى مالك يا احمد خير
قالة بحب يا مصطفى ومش حاسة بيا نهائى وحاولت
اقولها صباح الخير مردتش عليا ولا التفتت حتى كأنها مش شايفانى
فسألة مصطفى اعرفها البنت دى يا احمد
قالة اة طبعا دى ندى فى العمارة اللى قدامنا
انتفض مذعور مصطفى وقالة ندى اشمعنى ندى يا احمد
دى يا ابنى متنفعش شيلها من دماغك
احمد قلبة بيدق من صدمتة من كلام صاحبة
قالة لية هيا بنت وحشة ؟
الشهادة لأ رد مصطفى بس الموضوع كبير اوى يا احمد
بس لازم تعرف
ندى .................................................. ....
عايزين تعرفوا ندى مالها استنوا الحلقة الجاية
دى كانت بداية تعارف على الشخصيات
لكن الأحداث هتكون ساخنة جدا انتظروا احمد وندى وعذاب الحب
موضوع: عذاب الحب & الجزء الاول 
الإثنين أغسطس 11, 2008 1:29 pm
